Актуальный репортаж
Марианна СИВЦЕВА
Эдьиий Дора алгыһа
Сииттэбит нэһилиэгэр 17.02.2026 с. алгыс маанытын иҥэринэр, сайа охсор ыраас салгынынан ыраастанар, аламай күнүнэн арчыланар, кэрэни кэрэһэлиир, үтүөнү түстүүр, айылҕаттан айдарыылаах, улаханнык убаастыыр, ытыктыыр, тумус туттар киһибитин, эйэҕэс санаалаах, элбэххэ үөрэтэр Эдьиий Дораны кытта көрсүһэр, үөрүүлээх тугэммит тосхойбутуттан, баҕа санаабыт барҕара туолбутуттан, олохтоох дьаһалта баһылыгар Семен Тимофеевка уонна кини түмсүүлээх хамаандатыгар, олохтоохтор ааттарыттан улахан махталбытын тиэрдэбит.
Эдьиий Дора айылҕаны кытта олус ыкса ситимнээҕин, айылҕаттан анаммыт киһи быһыытынан, ураты үлэлээҕин, айдарыылааҕын, сүрэхпитинэн ылынан, харахпытынан көрөн, кулгаахпытынан истэн, бэркэ диэн билэн-көрөн, итэҕэйэн олоробут. Кини бар дьонугар тириэрдэр ылыннарыылаах тыла-өһө, харыстабыллаах сыһыаны иҥэриитэ, чэгиэн, чиргэл, чөл туругу түстээһинэ, түмсүүлээх үлэни-хамнаһы, бар дьон харыстабыллаах истиҥ сыһыаны хааччыйар, биир бастыҥ сүдү киһи буоларынан киэн туттабыт.
